lisod letratohan ang katawang pinugos

dunay higanteng larawan didto sa
robinson galeria
usa ka pamilyang nangatawa nga
mora bag nakakita sa ilang anak
nga nagdula ug football unya 
nakadaug,

giingnan ko ni inday p. nga didto
ko motindog kay iyang letratohan
ang akong katawa

misugot ko pero galisod ko kon
unsaon

sa dihang nahuman na kini
nakita nako ang pagkahilaw niini

morag bingka nga luto ang ibabaw
apan ang tunga lasaw.