pahinumdom alang kang J.

sabta nga kining
tanan wala diha sa katuyoan

kahinumdom ka niadtong didto
ta sa bungtod sa bandera
nga unta mangatkat kitas mga
punoan sa mangga nga
walay tag-iya
diin naghitik ang mga hinog
nga gitalumtom na kaayo?

sa silong sa kahoy
nangatawa tang duha 
kalimot na gani ta kon unsa
kadto kabahin

unya nalimtan nato ang
mga nangahulog nga manggang
sa ilang talumtom
nagpanghagad nga puniton

walay katuyoan ang kalipay
kon moabot malimtan ang tumong


unya ang panahon motikig
ang mangga nga nahulog nasawo sa
hangin

samtang ang yuta nga gakaduhingoy
sa cogon
naglaway intawon