4/15/2016

ang akong anino

dili ikatingala
kon ang akong anino
magsunodsunod 
kanako kay mao
man kana ang
iyang trabaho, 

apan kon ikaw ang
gusto mahimo nakong
anino, duha ka butang:

mora kog nalipay
nga dunay gustong
moawat kanako
apan sa laing bahin
subo nga hunahunaon
nga ikaw gustong
mahimong ako

sayran ta ka
sigi kong mobalhin
maoy akong kahanas
ang sa kanunay
mopahawa unya

kon malipat ka 
unya wala na ko
kalooy sab nimo
nga usa ka  anino
unya wala nay
lawas.

kon mahimo
biyai ko kay kon dili
ako man ang 
mobiya nimo

No comments :

Post a Comment

Lami ba?