ang pisot...

ang wala kanato
bisag kurit bisag pignit

atua gihambin sa bata
morag mga manggang 

hinog nga iyang 
giputos sa iyang sinina

unya sa dihang migawas
ang iyang tiyan

diin mibuy-od ang iyang
wala maayong pagkaputol

nga pusod morag nahadlok
ta kon unsa ang atong

kagikan basin og usa usab
kita sa mga wa maukay

nga mga trauma maong
sahay dili nato masabot

ang kagubot ang gusot
ang laksot ang pis(k)ot.