4/06/2016

mao lang

sa bag-o pa
haskang lamia

apan sa kadugayan
makaingon ka

"mao ra gihapon
gikan karong hangtod
sa kahangtoran?"

kadtong bag-ong
miabot
"welcome"

malipayon, 
"exciting, wtf!"

sa kadugayan
mangutana kon
"asa man ang
ginamos?"

dili man god sa
tanang higayon
nga lami ang
lechon

tuyok-tuyok ang
kinabuhi
mora sab tag gilechon
kon tinud-on

kon unsa ang tulo
sa mantika
mao sab ang tulo
sa atong mga singot

sa Hwerto, sa Kalbaryo,
sa Menteryo,

(ayaw palabi
miwarning ka)

daghan na ang
gihimo
misulod sa langob
gipangita ang agianan
sa pikas
nga kahayag

misakay sa bangka
misubay sa suba
migawas sa dagat
nagmingaw sa
lawod
gidamgo ang 
dunggoanan ang
isla ang
mga kalubian 
ang paraiso

dugay na
apan wala pa gihapon
miabot

ang kinabuhi diay
kutob ra sa pagpaabot

No comments :

Post a Comment

Lami ba?