kabahin niadtong bata nga mamamamahon....

kadtong batang lalaki
nga siging hawid sa saya sa
iyang mama
didto sa likod nga kanunayng
nagpahipi nga kon imong
lantawon
motago dayon ug unya kon
walay katagoan
modungo sa tumang
kaulaw

gibalita nga usa siya sa
diseotso ka mga napatay sa
abbu sayaff didto dapit sa
Jolo

ang iyang mama karon naglantaw 
sa larawan sa maong bata
naghilak nakahinumdom nga sa
pipila ka higayon
iyang giwakli ang kamot sa bata
nga siging hawid sa iyang saya
didto sa iyang likod nagpahipi nga
kon imong lantawon
motago dayon ug unya kon wala
nay katagoan modungo sa tumang
kaulaw.....