5/06/2016

sa tumang kamingaw mao ni ang nabuhat

ambot lagi 
di lang gyod ko bilib
(sa uban)

bilib ra ko
(nako)

 pero ako ra
sab ni

nagsulat ko gisulod
nako sa sobre
(kinaraan) 

pero para
ra pod to
(nako) 


akong giadress (of course)

sa lain nakong gipuy-an
(ako ra pod 
maoy nakabalo ani)

niadtong valentine's day
gipadalhan kog mga rosas
haskang pulaha
(ayaw ug saba, ako ra
say nagpadala adto
para nako)

ayaw og katawa
dili kataw-anan ang
tumang
kamingaw....

ayaw ug pataka
og paghusga nga kining
akong gisulat
ako na sab ang nia dinhi
(sayop ka)


para ni niya (kadtong dili 

moangkon nga
ang iyang kinabuhi tungod
sa kapilian,
kaarte, kastrikto, kalaog,

naa nasugba sa kalayo sa
impyerno
(wa baya pod ko sukad kaadto)

didtong dapita sa
gabaga nga kamingaw.

No comments :

Post a Comment

Lami ba?