7/30/2016

kabahin sa dili dali nako makalimtan

ang di nako dali
malimtan kadtong
giingnan ni papa
si nong kasyo nga
nag-alot sa akong
ulo nga ako na kuno
ang bag-ong Tiago
sa Purok Uno

kabahin ni mama
kadtong miingon 
siya nga dili gayod
kuno tinood nga
dili ang iro nilang
Konsay ang nakahabal
sa among iro nga
ginganlag Samsam

hinoon balewala
pa gihapon kanako
kon kinsang sunoy
ang tinood nga
tag-iya sa dose ka
itlog sa among
himongaan nga
pution....

No comments :

Post a Comment

Lami ba?