8/20/2016

tungod kay bisita ka lang

kay bisita ka lang
ayaw jud panaway
kon maot ang sud-an
ingna nga ganahan kas cake
kon hugaw ang balay
ingna nga nindot ang garden
kon lubog ang tubig sa baso
ingna nga you like beer
kon kasukaon na jud ka
ingna nga mitukar imong vertigo


kay bisita ka lang
wa kay katungod nga mamili
kon dili gwapa ang mga babaye
ingna lang nga nindot sila manayaw
kon wa kay ikasulti nga pagdayeg
unya gahilom-hilom na jud ka kay 
wa ka na ganahi
ingna lang nga gimingaw ka's imong
mama ug papa nga mga tigulang na
unya walay nabilin sa inyo
kay ang maid miuli kay maghatod
ug kwarta sa bukid aron ipalit
ug abono sa mais maong

ikaw gusto na nga mouli 
karon dayon

No comments :

Post a Comment

Lami ba?