ang atong kabuntagon

miabot na ang kabuntagon
alang kanato
pagkabugnaw sa hangin 
nga mihapohap sa
atong nauga nga aping

miduyog si Bathala kanato
mipahatod sa taligsik nga
mibisibis sa atong mga 
gitanom nga namuwak
ug mamuwak pa sa 
makadaghan

namunga ang mga bulahan
naglagitik ang mga pungpong
sa katam-is
masanagon ang adlaw 
nagpista ang langit ug
yuta sa atong kamaya.