ang wala mag-ila

sayon sultion nga
wa ako nakaila kanimo
sama usab sa kasayon
sa dihang ikaw miingon
nga wala usab makaila
kanako

sa usa ka mabaw ug
sabaw
himoon kining kasakit
mutubo
mopagamot sa ugma
nga panimalos

sa laing bahin nganong
ingon anion man nato kana
nga
kon sutaon ang tinood
ug ang tinood lang
gayod
bisan gani ang atong 
kaugalingon wala man
sab nato 
kaayo nailaila?

dakong langob ang 
kaugalingon nga atong
gisudlan
sa dugay nga panahon
atua kita naglirawliraw
sa kangitngit ug
kangiob
wala masayod kon asa ang
gawsanan
kon asa gayod ang
ganghaan sa
hangin ug kahayag