9/03/2016

DANILO

si Danilo makamaong
managna

ag didto kos davao samtang
nag-celebrate ang ateneo sa iyang
fiesta

nagkakuyog mi
taas ang sugilanon nga morag
gilukot lukot sulod sa buyot
ang trentay singko ka tuig

wala na ang liog
burot na ang tiyan
kusog ang katawa
daghang beer

human pahulay kadyot
dayon kape
ug laing kape pa gayod

alas nwebe na kadto kaming
nanggawas
maoy pagkahuman sa maong
panagtigum

namatay na ang banda
namauli na ang mga manulunda

sa gawas miingon si Danilo
kon ablihon pagbalik ang roxas street
dayon ibalik ang mga ukay-ukay
daghang gayong mangamatay

ug tuod man
natuman ang tanan

sa wala pa ang nangalisang ug
nagpunay og iyak
si Danilo atua na sa Cagayan de Oro
namati sa radio
milantaw sa TV
nag-inom ug kape.

No comments :

Post a Comment

Lami ba?