9/13/2016

paghandom

wala na akoy kasayoran kon naunsa ka na
dugay na kadto
ang akong nahibaw-an mao na lamang ang
imong pagbalik

gibawi mo ang gibiyaang kahaw-ang didto
sa Polanco
aron sugdan mo pag-usab ang pagtukib ngano
nga nahitabo kadto

dugay na kadto
wala na akoy kasayoran kon ngano nga nahitabo
kadto
wala man unta nato kadto gikasakit gani nalipay
man kitang duha
sumala sa atong pahiyom nga migawas sa hilom

ang akong nahibaw-an mao na lamang ang imong
pagbalik
didto sa Polanco aron sugdan mo pag-usab ang
paghapuhap sa gikapoy nga kapalaran

tukibon kaha nato ngano nga nahitabo man kadto
nganong hangtod karon gipangita pa gihapon nato
ang katarungan kabahin sa kalami
diha sa kakapoy
ang pagpakisayod pag-usab kon ngano ba nga 
kasagaran wala may katumanan ang
gugma

nganong miabot man kini sa kasaypanan diha sa
duha ka sayop nga tawo diha sa sayop nga panahon
sa sayop nga pamaagi....

No comments :

Post a Comment

Lami ba?