10/22/2016

ang walay mahimo

kon ugkaton gayod
na,
hait kaayo ang mga habol
nga wala mapilo
hapdos gayod unta ang
mga alugnan nga
nagpasad sa salog

pagkalami unta hiloan
ug dauban ang tiguwang nga
iro nga nanimahong patay
diha sa kilid sa 
higdaanan

gusbat ang akong kaadlawon
wala nay lami ang kape sa 
pantawan sa kabuntagon

laming isyagit sa gawas
mangitag dinunggabay
apan kutob ra ako diha
ania naghinuktok gani sa
kilid sa bentana atubangan
sa bungtod diin gusto usab
unta nako putlon ang tanang
mga kahoy

No comments :

Post a Comment

Lami ba?