3/16/2017

halad sa tanang kabuang

habog ang
bunga sa kahoy nga
nag-ambong sa
pangpang

dunay misulay ug
kuha
unya nadakin-as
sa danlog nga
sanga
nahug sa pangpang
patay

ikaw ang
nahagit busa sa
sayong buntag
gikatkat mo
ug gikuha ang
bunga
sa tumang kasayon

miingon ka
"ania na kanako
ang nakapatay
kanimo"

dayon nimog labay
niini
sa pangpang
isip halad
sa tanang
kabuang

No comments :

Post a Comment

Lami ba?