2017/08/29

sulod sa akong kasingkasing midungan kog awit sa kansyon sa kinaiyahan

pasayloa
apan nausab na ko

ikaw? nagpaabot ka
ba sa akong
kinawatkawat nga halok?
nagpaabot ka pa 
ba didto sa lawak
diin kita lang duha
ang nagbasol
human sa duha ka gutlo
sa atong
panag-uban

pasayloa apan
nabag-o na ang akong
mga laraw
ang akong mga damgo
dili na parehas
kaniadto

ang hangin sa dagat
mihapuhap sa akong
agtang
ang mga balas sa dagat
gaandam na sa akong
higdaanan
ang buwan misabwag
na sa iyang kahayag
diris akong dughan

gihunghong nako sa
akong kaugalingon: ania
na ako sa akong
panimalay

sulod sa akong kasingkasing
midungan kog awit
sa kansyon sa kinaiyahan

Panginhas dire