11/18/2017

ayaw intawon

ang balak
buwak nga gihagkan sa 
adlaw 
sa sayong kabuntagon
mibuswak
sa bugnaw pa nga
kainit

ayaw kutloa

ayaw huboi sa iyang
mga petals
ayaw putla ang iyang
mga dahon
ayaw balia ang iyang
sanga

pasagdi kini nga
mobuswak hangtod
sa iyang kagabhion

pasagdi nga kini
usab
mosandurot sa bulan
diha sa iyang
katulogon

ayaw tuguti nga
mawadla ang iyang
pagpangalimyon

ayaw huboi
ayaw patya

No comments :

Post a Comment

Lami ba?