5/03/2018

si juan sa isla sa mga unggoy

miabot ako sa lugar
diin ang mga namuyo puros
mga unggoy

nanan-aw sila kanako
sa dakong katingala nganong
ang tanan
kanako ngil-ad

nangyam-id silas akong
panapot
nangatawa sa akong nilak-wan
ug sa kapyotay
intawon ako
kanunayng nabintaahan

dinhing lugara
nagsugod ang akong
pagpakahilom
usa lamang ako ka tawo
nga daug kaayo sa mga
unggoy
nga dili gani
edukado

No comments :

Post a Comment

Lami ba?