6/29/2015

mga samin sa imong kinabuhi....

walay gihimo
walay miabot
sa walay
katarungan

ang itom nga sulom
ang pulang hulmigas
ang balas og mga
bato
ang balod og ang
baybayon
ang pangpang og
mga patag
ang mga bungtod
og mga balilihan
ang mga buak nga
bildo og
mga botelyang puno
pa sa bino
ang buling sa agtang
ang bag-ong
bugas-bugas
ang bintanang sirado
ang pultahang piang
ang trapohan sa tiil
ang alfombrang uga
ang sabon nga humot
ang ilok nga lagom
ang paang puti
ang ulat sa sampot
ang luy-ang tudlo
ang buhok nga gasanga
ang ulan nga walay
undang
ang hulaw nga
gahig ulo



pamati, batia,
hunong sa makadyot
lantawa ang imong
mga mata

silang tanan mga
samin
sa imong kinabuhi....